Dönskuklúbbur

Dönskuklúbbur Norræna félagsins er ætlaður börnum á aldrinum 6 – 10 ára sem vilja viðhalda kunnáttu sinni í danskri tungu. Boðið verður upp á þjálfun í tungumálinu gegnum leiki, þrautir, lestur og spjall auk þess sem áhersla verður lögð á að kynna danskar barnabækur og aðra barnamenningu. Leiðbeinandi í dönskuklúbbnum er Guðbjörg Friðriksdóttir sem er nýflutt til landsins eftir að hafa búið í Danmörku um árabil.

Dönskuklúbburinn hittist á laugardögum kl. 11:00-12:30 frá 21. apríl til 19. maí í Norræna félaginu að Óðinsgötu 7 í Reykjavík.

Dönskuklúbburinn er ætlaður börnum sem búið hafa í Danmörku eða eiga danska fjölskyldu. Nauðsynlegt er að skrá sig í klúbbinn! Klúbburinn er ætlaður börnum félagsmanna og er þeim að kostnaðarlausu. ATH! Auðvelt er að gerast félagi í Norræna félaginu. Félagsaðild kostar aðeins 2.900 kr. á ári / 1.450 kr. fyrir 18-27 ára og 67 ára og eldri.

Finnsk sögustund

Bókasafn Norræna hússins býður finnskumælandi börnum og fjölskyldum þeirra í sögustund laugardaginn 14. apríl kl. 11. Lesið fyrir börnin og kaffi á könnunni fyrir fullorðna. Allir velkomnir til að spjalla saman á finnsku!
Næsta sögustund verður laugardaginn 5. maí kl. 11

Suomalainen satutunti
Pohjolan talon kirjasto järjestää suomenkielisille lapsiperheille tarinatuokion lauantaina 14. huhtikuuta klo 11. Luemme lapsille suomenkielisiä kirjoja ja tarjoamme vanhemmille kahvit. Tervetuloa mukaan!
Tarinatuokio järjestetään kevään aikana lisäksi lauantaina 5. toukokuuta klo 11.

Norsk sögustund

Sögustund á norsku fyrir börn laugardaginn 14. apríl kl. 14 í bókasafni Norræna hússins. Lesið, sungið og spjallað saman á norsku. Í þetta skiptið ætlum við að leggja áherslu á vorið og að undirbúa fyrir 17. maí. Sögustundin er fyrir alla krakka sem tala og skilja norsku og foreldra þeirra. Matja Steen sér um sögustundina.

Norsk barnegruppe
Velkommen til norsk barnegruppe lørdag 14. april kl. 14 i Nordens Hus. Vi leser, synger og snakker sammen på norsk. Denne gangen skal vi ønske våren velkommen og forberede oss for 17. mai. Alle barn som snakker eller skjønner norsk er velkomne med sine foreldre. Matja Steen er leder.

Norrænar sumarbúðir

Ungmennum býðst í sumar tækifæri til að fara í norrænar sumarbúðir á Ólafsfirði og í Svíþjóð.

Sumarbúðirnar á Ólafsfirði eru ætlaðar ungmennum á aldrinum 11-16 ára dagana 26. júlí til 1. ágúst 2012. Búið verður á hótelinu á staðnum og fjölbreytt dagskrá verður í boði. Skráningarfrestur rennur út 1. maí nk. Skráning fer fram á netfanginu sommerlejr2012@gmail.com og þar má óska eftir frekari upplýsingum.

Einnig er unglingum á aldrinum 12-15 ára boðið að fara á búðir á Norræna lýðháskólanum á Biskops Arnö fyrir utan Stokkhólm dagana 8. til 12. ágúst 2012. Áherslurnar eru á skapandi skrifum og er unglingunum veitt margvísleg aðstoð til að bæta sig við skriftirnar í fallegu umhverfi meðal jafningja. Skráningarfrestur er til 20. maí nk. Skráning fer fram á netfanginu birgitta@norden.se. Frekari upplýsingar má sjá hér.

Lestraráhugi drengja hverfandi

Lestrarhæfni 15 ára Íslendinga hefur batnað á síðustu árum en þó geta 16,8% nemenda í aldurshópnum ekki lesið sér til gagns. Það kemur fram í nýútkominni skýrslu, Northern Lights on PISA 2009 – focus on reading.

PISA lestrarkönnunin var framkvæmd á öllum Norðurlöndunum árið 2009. Finnskir nemendur standa sig best í könnuninni en Danir reka lestina. Stúlkur eru mun hæfari lesendur en drengir. Þeir lesa helst teiknimyndablöð og dagblöð en stúlkurnar tímarit og skáldsögur. Bent er á að tungumálakennarar eru í flestum tilfellum konur sem eru stúlkum sterkari fyrirmynd en drengjum. Það verði að gæta þess að glæða áhuga drengja á lestri með fjölbreyttum aðferðum og út frá þeirra áhugasviði.

Frekari upplýsingar: Vi skal styrke drengenes læselyst og Minnkandi lestraráhugi og -færni norrænna ungmenna.
Sækja má skýrsluna í PDF útgáfu eða kaupa eintak: Northern Lights on PISA 2009 – focus on reading.

Menntakerfi til framtíðar

Þrátt fyrir að Norðurlandaþjóðirnar byggi á svipaðri lífssýn og hugmyndafræði fá námsmenn misgóða menntun eftir löndum.

Education for Tomorrow er nýtt rannsóknarverkefni á vegum NordForsk. Markmið þess er að bregða ljósi á samtímavandamál í menntamálum og finna lausnir sem taka tillit til sameiginlegra framtíðarþarfa um þekkingu og menntun á Norðurlöndum.

Norræna ráðherranefndin hefur veitt 75 miljónum norskra króna í verkefnið til fjögurra ára.

Sögustund á norsku

Sögustund á norsku fyrir börn laugardaginn 17. mars kl. 14 í bókasafni Norræna hússins. Lesið, sungið og spjallað saman á norsku. Sögustundin er fyrir alla krakka sem tala og skilja norsku og foreldra þeirra. Matja Steen sér um sögustundina.

Norsk barnegruppe
Velkommen til norsk barnegruppe lørdag 17. mars kl 14 i Nordens Hus. Vi leser, synger og snakker sammen på norsk. Alle barn som snakker eller skjønner norsk er velkomne med sine foreldre. Matja Steen er leder.